Bann marmay , néna in nafér, zot i yinm sé ékri fonnkér, oilapa i donn in tém , azot minm paré konmsi volkan i sar pété!  lé valab oir finaldekont kinm la sosiété i vé nou kour, nou vol, i ve nou koz texto,  nou émél, nou MP3 , in nafér konm fonnkér i trap marmay!!  antouka lété i vré bonér pou moin, zot profésér…

désou in légzanp fonnkér, dé marmay la fé pou le 160 lané labolision lésklavaz.

Zordi nou la konpri

pa tout le ini

Na dé troi i di

«” Férm out zié, out bous, out zoréy “»

Si lo zistoir , si lo pasé

Mé moin mi lans in kri

« Zét pa ton rasine oté, kri partou kisa ou lé »

Sa nout Listoir, lé dann nout san

Nou lé noir, é alor ?

Gramoun i di kaf néna 7 po.

Ou i voi  sa i ve dir : minm si nou tonm, nou arlév

Pli gran, pli fiér !!

Solman, la pokor fini

Lé vré nou mars pi ék la sén dann pié

Mé la poz ali si nout zié

Mé dalon ton dé bra

anserv ali pou in nafér !

Trap la sén la , kas ali, zét atér !

Ton kiltir ék ton rasine la pou fané

Tash moyin sov ali oté !

Jessica

Dopi 100 an nou viv dann van

Liberté déklaré mé ousa i lé nout lidantité ?

Nout bann kont « kriké kraké »,

télé la ranplasé !

Mé nou kréol,  nout zié lé boushé

Nou lés minm se bann fezér la tér instalé !

E nou, nou oubli zorizin nout péi !

20 désanm nout tout ansanm

dann mon fonn kér pou trouv in koin bonér

Réioné rouv nout zié

E anon santé, la pa Ti flér fané,

Mé ti flér pou la liberté

Pou nout lidantité

Fét Kaf, yab, malbar, zoréy, shinoi, komor…

Romain