Bonzour ,

Nou sé marmay lisé Jean Hinglo  Le  Por. Nout blog lé la pou partaz sat nou fé : la lang ék la kiltir La Rénion.

Dann kiltir, nou néna la lang, la mizik, manzé épisa la litératir…finaldekont, tout sat i fé in moun!

Poukosa nou la soizi fé lopsion kréol réioné lékol :

1. pou in foi, nou té i gingn soizi in lang nou té i yinm. Lé pa obligatoir …soman nou lé kontan fé 3 zér kréol dann la sominn.

2. lé in fiérté pou nou kréol fé kréol

3. pou métriz nout lang, pou réflési dési ( métalinguistique)

4. lé pa akoz nou lé kréol nou koné tout: aprann sat nou lé, nout kiltir, lékritir, listoir…

Koméla fé kréol dann lékol i komans lèrk ou lé pti, agard ti marmay maternel zot bann monmon papa i anvoy azot fé kréol lékol dann bann klas biling.

Soman si ou la bien gingn renseyman si lopsion kréol ou doi konèt dann kolèz osi i fé sa par ekzanp kolèz titan, kolèz oazis (si lo por minm) kolèz alizé sin dni, kolèz la montagn épisa néna osi dann sid.

Lopsion kréol sé pa in lopsion pou di aou vien aprann koz kréol akoz ou gingn pa bien kozé konm tout demoune i kalkil soman sa minm in kour konm tout kour i aprann aou zistoir si out bann zansèt, si zot zistoir si out lidantité….si sat ou koné pa bien, SI OU MINM !!!

Koman inskri azot?  kan zot i vien inskri azot pou rant lisé zot  néna le soi pou in lopsion fakiltatif  ou sansa in lopsion lv2: kréol, si ou soizi kréol an opsion fakiltatif ou nora troi zèr dtan kour kréol épisa lé parey pou lopsion  kan ou la fine inskri aou i fo ou i  koné sé pou tout lané.  Si ou lé an promièr L lo koéfisian va kont pou 4 (tienk sat lé odsi 10 i kont) épisa si ou lé an promièr S lo koéfisians va kont pou 1.

SERIE NIVEAU MODALITES( écrit ou oral) COEFFICIENT
Série ES LV 2, Epreuve orale de langue obligatoire. Oral, 20 minutes, liste de 15 pages L’élève est interrogé sur un texte de sa liste. Coeff. 3
Série ES LV 2, Epreuve orale obligatoire et de spécialité de langue de complément. Oral, 30 minutes, liste de 10 textes. L’élève est interrogé sur un texte de sa liste, puis sur un document non étudié en classe. Coeff. 3+2
Série L LV 2, Epreuve écrite obligatoire. Ecrit de 3h. Coeff. 4
Série L LV 2, Epreuve orale de spécialité de langue de complément en langue régionale. Oral, 20 minutes, liste de 10 textes. L’élève est interrogé sur un texte de sa liste, puis sur un document non étudié en classe. Coeff. 4
Série L LV 3, Epreuve orale de spécialité Oral, 20 minutes, liste de 8 textes. L’élève est interrogé sur un texte de sa liste. Coeff. 4
Série S LV 2, Epreuve obligatoire écrite. Ecrit de 2h Coeff. 2
Série STG / STI LV 2, Epreuve obligatoire orale et écrite Oral pendant le temps scolaire : durée 10 minutes, préparation 10  minutes.Ecrit de 2h. Coeff. 2 ou 3 selon
Toutes séries Epreuve facultative orale. Oral, 20 minutes, liste de 15 pages.L’élève est interrogé sur un texte de sa liste. Coeff. 2 si c’est la première épreuve facultaive , 1 si c’est la deuxième.