Viatge en Val d'Aussau

Avèm escapat a l’anullacion del sejorn, al cornavirús e a l’estadi 3 de l’epidèmia…
Vist totes los bons sovenirs e los rires…
Aprèp totes los messatges de mercejaments dels escolans e parents…

Dirai qu’una causa en conclusion… la montanha ‘quò vos ganha! Non es pas ma conclusion… 😉

Inscrivètz-vos en occitan!

Tobogan davant lo Pic d’Aussau

Es lo darrièr jorn… Passa viste! Rejonhèm Pèire Vidal a la Goreta, per nos explicar cossí se passa la recèrca de las victimas en montanha quand i a una avalanca.

Aprèp l’explicacion, fasèm dos grops ont los uns van plaçar lo DVA dins la nèu e jogar la(s) victima(s) e los autres qu’an 10 minutas per la trobar, temps de subrevida¹ jos la nèu.

1, 2, 3 ! 🙂

Non, Robin, la nèu se manja pas.

La darrièra fotò, abans lo retorn, e lo coquin de Pèire que me buta² suls escolans…

¹ la subrevida = la survie          ² butar = pousser

Cada jorn, un rotlament de las corvadas es installat per metre la taula, la plegar, netejar e far la vaissèla.

Aviái demandat als parents de verificar las valisas de lors enfants…
Robin, qu’es aquò aquel shòrt??! 🙂

Recuperam lo pica-nica e direccion lo còl del Portalet per una randonada en raquetas, totjorn amb lo David.

En bearnés! Sèm en Aragon!
Un pauc d’istòria.
Las bèstias: los sarris (en gascon, son los isards), los cabiròls e boquetins.
E los lops!

Una bona pausa s’impausa perque es crevant! Mas tant, que se transforma en batalha de nèu. E un pichon trabalh per Odyssée, delegat per sos camaradas inscriches en occitan LV2-LVA coeficient 8 al Bac (los darrièrs! los warriors!!)

E es tornat partir! Tròp dur! Mas sèm contents al final!

Lo ser, nos regalam amb un plan bon repais: garbura, fritas e carn, e fromatge del païs.

« Chez Trey », Una bona adreiça a Beòst, ont se parla occitan 😉

David Bordes nos rejonh a l’alberga, nos portant la bona umor e lo solelh.
Direccion l’estacion d’Artosta per bastir d’iglós e far d’esquí !

Nos partejam en dos grops. L’animacion « iglós » tenguda per David se fa en bearnés e degenera rapidament en batalha de nèu, ont cadun se venja de las crassas que nos fasèm en classa 😉

Melania, dos e dos?

Construccion de l’igló pel David

A pena l’igló acabat e las filhas sortidas, lo tòp despart es lançat per far una batalha de nèu.

E una « berròia »¹ per Victòr!

L’aussissètz² lo rire sadic del nòstre menaire de bús!!!

¹ berròia es lo mot gascon que disèm en lengadocian polida, e que vòl dire « jolie »
² ausir = entendre

Puèi, passam a la leiçon d’esquí…

Amb de moments de rire…
Laboriós a la debuta…
E! Victòr!
Lo tira-cuol

Sèm prèstas per la pista verda!?!

Sèm crevats mas pas lo David que nos encanta amb una serada de tres contes: lo conte del Pic d’Aussau, lo conte de la poma roja e lo conte de Poquet.

Vaquí enfin lo jorn tant esperat! Avèm de nèu¹, escapam al Coronavirus! Alara, Val d’Ossau, arribam!

Jorn del despart e aprèp 3h de rota, una pausa dejunar s’impausa.

Un còp installat a l’alberga « Los Amis du Béost », direccion la botiga d’esquí per recuperar lo material pel lendeman.

Visita de la bòrda de fedas amb Régis Carrère, en bearnés! Al 1 Carrerot de bash a Laruntz, una super adreiça per un excellent fromatge realizat naturalament e dins la tradicion del Val d’Ossau: https://carrere-regis-fromage-pur-brebis-de-la-vallee-dossau.business.site/

Vidèo de Régis que nos explica en bearnés.

¹ la nèu = la neige

Mercés a Jean-Marc Barloy, lo jornalista que cobrís nòstre eveniment e fa paréisser un article dins la Despacha: Caussade. En vallée d’Ossau avec les élèves des cours d’occitan

Lo 25 de genièr, los escolans respondiguèron presents tre 7h30 per aculhir los expausants del vuèg granièrs e los visitaires. Victòr se lancèt dins la fabricacion d’una caissa e los autres s’empreissèron de l’emplenar¹.

A 17h, lo monde nos quitèron e los liceans comencèron de netejar², e metre en plaça per aculhir las gents, vengudas manjar e dançar.

 

 

 

 

 

 

A 19h, fasèm plaça al sopar. Aligòt salsissa, servit per 40 personas, amb l’ajuda de Sébastien Sabreris.

Amb un pauc de retard, la pista de dança s’anima gràcias a Manu Isopet a l’acordeon, pel pus grand plaser dels dançaires, e dels escolans.

¹ emplenar = remplir     ² netejar = nettoyer

Dissabte, lo 25 de genièr, los escolans organizan una jornada vuèg-granièrs e una serada balèti. Lo moment mai important es la promocion d’aquela jornada. E las primièras se son plan investidas en prenent lor dimenge per aprestar una bandairòla e l’acrocar al giratòri, a costat del licèu.
Mercés a elas!

Es al torn de La Despacha de presentar nòstre sejorn dins los Pirenèus e d’anónciar lo balèti, per finançar lo projècte.

Per lo legir, es aquí. E aqueste còp, es en francés: « Caussade. Les occitanistes préparent leur voyage en vallée d’Ossau »

Mercés al Jornalet de lançar publicament lo còp de partença de nòstre projècte pedagogic dins lo Val d’Aussau amb los escolans del licèu Claude Nougaro a Montelhs (82).

Tot i es explicat aquí dins los detalhs: « Escòla: viatge en Val d’Aussau »