Difazier an Drouizig ha Language Tool
Evit difaziañ ar brezhoneg gant Microsoft Office (Word), gallout a rit pellgargiñ an difazier war lec’hienn an drouizig difazier.
Evit LibreOffice: Klikit amañ
Ha setu ivez an doare d’ober ma labourit gant Mac Office
Mod-all, posupl eo ivez kopiañ ho testenn war lec’hienn language Tool Correcteur hag e teuio war-wel ar fazioù. (Kemmadurioù, yezhadur…)
Kartennoù memor programm 3de
Setu ar c’hartennoù memor (flash cards) evit ar programm 3de.
Respont da vezañ skrivet tro kein pep kartennig. (+ tresadenn mnemoteknik m’ho peus c’hoant)
Ur wech oc’h gouest da gavout ar respont evit ar pempvet gwech, eñvoret eo da viken !
Sistem all hep boest: merkañ ar c’hartennoù:
Gouezet 1 wech: |
Gouezet 2 wech: ||
Gouezet 3 gwech: |||
Gouezet 4 gwech: ||||
Gouezet 5 gwech: ||||| ha tennañ ar gartenn kar gouezet eo da viken !
Arnodenn dre gomz ar breved
Galout a rit tremen oc’h unan pe daou-ha-daou.
2018: Deoc’h da zibab ar sujed etre ur sujed arzoù bet studiet ganeoc’h e 5ved , 4re pe 3de
Alioù evit ar breved gwenn
Breved gwenn
Anvet eo “Gwenn” an arnodenn peogwir n’eo ket ar breved gwir met koulskoude e konto kalz an disoc’hoù en eil trimiziad.
Reolennoù an arnodenn
- Ur skolajiad en em gavet gant dale a rankfe abegiñ an dale er sekretourva ha n’en do ket amzer ouzhpenn evit achuiñ.
- Ne c’hell ket bezañ roet titour ebet d’ur skolajiad gant an evezhier. (na displegadenn na geriaoueg)
- Arabat skriviñ e anv (un niverenn ‘vo roet deoc’h).
- Ret eo deoc’h siniñ pa rentit ho kopienn er fin.
- Aotreet oc’h da guitaat ar sal un hanter eur bennak a-raok fin an arnodenn met talvoudus bras eo chom da adlenn evit ouzhpenniñ titouroù ha difaziañ ar yezh. Grit ar striv da lenn a-raok rentiñ.
- Bezit war evezh rentiñ an holl follennoù!
- Ret eo lazhañ ar pellgomz hezoug ha lakaat anezhañ en ho sac’h, ar seier ‘vo lakaet ouzh ar voger dirak.
- Furoc’h eo mont d’ar privezioù a-raok ma krogfe an arnodenn.
- An arnodenn
- Galleg : sujed ha respont e galleg. 2 lodenn a zo: 1 eurvezh dielfenniñ dielloù ha 2 eurvezh reizhskrivañ ha sevel skrid.
- Matematikoù : sujed e galleg, respont e brezhoneg.
- Istor-geo-keo : sujed ha respont e brezhoneg. Padout a ra 2 eurvezh an arnodenn war an istor (20 poent), geografiezh (20 poent) ha keodedouriezh (10 poent). Deoc’h da verañ an amzer evit ober an teir lodenn. Dielfenniñ dielloù a vo en istor pe e geografiezh. Ur pennad-skrid a vo da sevel en istor pe e geografiezh. Dielloù a vo e keodedouriezh.
- Skiantoù : sujed e galleg, respont e brezhoneg. An tri danvez a vo evit ar breved gwenn. Pep danvez disheñvel a rank bezañ rentet war follennoù disheñvel (Fizik / SVD pe tekno)
- Taolit evezh : 0 ‘vo lakaet d’ar re vefe paket o truchiñ !
- Difennet groñs eo daremprediñ etrezoc’h e-kerzh an arnodenn (kaozeal, jestroù pe eskemm an dafar)
- Dafar
- Degasit un eurier evit meriñ an amzer (40 mun dre zanvez istor, geo, keo).
- Arabat disoñjal kas ganeoc’h ho pedadenn hag ho kartenn-anv.
- Kasit tout an dafar ‘peus ezhomm : kreionoù koad evit liviñ, kreionoù-feltr evit an arouezioù, ur reolenn, ar geriadur evit ar sevel skrid e galleg (eil lodenn), ur jederezig, kelc’hier, skouer… evit ar matematikoù.
- Degasit ho feltroù fluo ganeoc’h evit islinneniñ ar gerioù pouezus.
- Ur banne dour hag un draig da zebriñ zo aotreet, arabat kas dour pik-pik ha chipsoù, trouz a ra !
Alioù evit tapout poentoù
- Adwelet
- Ret eo deoc’h raktresiñ un nebeud devezhioù a-raok ar breved ur programm evit adwelet tamm-ha-tamm.
- Ma ne gomprenit ket ur ger e brezhoneg, klaskit orin ar ger, klaskit kompren ster ar frazenn.
- Ma n’ho ‘peus ket desket mat un dra, klaskit lakaat ur respont memestra, n’eo ket difennet prederiiñ e-kerzh an arnodenn !
- Ma ‘z eo berr ho respont, n’eo ket dav skriviñ brasoc’h pe ober linennoù berroc’h. Klaskit kentoc’h ur skouer da glokaat.
- Istor: M’ho ‘peus ket soñj eus un deiziad resis, lakait ar rummad bloavezhioù dre-vras.
- Evit an dielfenniñ dielloù : klaskit un tamm, emañ alies ar respontoù en diell! E skiantoù, keodedouriezh ‘vez lâret e tapo ar geidenn an nep a gompreno an diell!
- Arabat adkopiiñ an diell hep cheñch netra, implijit titouroù an diell o sevel frazennoù graet ganeoc’h.
- Kinnig
- Roet ‘vo deoc’h follennoù gant ar skolaj.
- Kalz gwelloc’h eo implijout kreionoù a c’heller diverkiñ : ar c’hreion enkr eo ar gwellañ (ha dreist-holl arabat disoñjal : Atav divalav ‘vez ar blanko !). Poentoù zo evit ar c’hinnig.
- Strivit evit skriviñ kempenn : ma ‘zeo diaes da lenn ho kopienn e vo imoret fall an difazier.
- Livit kempenn ar c’hartennoù : ul livaj difoutre a ziskouez un dro spered memes mod.
- Niverennit pep pajenn (1/6, 2/6, 3/6, 4/6, 5/6, 6/6)
- Frammiñ
- Savit frazennoù dre ret evit respont ha menegit frazennoù an destenn evit arguziñ
- Grit ar poelladennoù en urzh ha skrivit ar barem er marj.
- Lennit aketus an destenn ha tout ar goulennoù a-raok kregiñ
- Talvoudus bras eo implij follennoù brouilhoñs (dreist-holl pa vez ezhomm frammiñ ar respont).
- Tremenit kalzik a amzer evit frammiñ ar pennad-skrid. Frammiñ a dalv sevel div pe teir lodennig gant mennozhioù disheñvel (ur skouer e pep hini), lammit ul linenn etre ar lodennigoù ha grit un alinea e penn-kentañ pep lodenn.
Alioù evit ar breved
Alioù fur evit ar breved:
Devezh ar breved: gwelloc’h eo en em gavout un hanter eur en a-raok, trubuilhus a c’hell bezañ degouezhout gant dale. Ur skolajiad en em gavet gant dale a rankfe abegiñ an dale er sekretourva ha n’en do ket amzer ouzhpenn evit achuiñ.
Reolennoù an arnodenn
- Ne c’hell ket bezañ roet titour ebet d’ur skolajiad gant an evezhier. (na displegadenn na geriaoueg)
- Arabat skriviñ e anv (un niverenn zo).
- Ret eo deoc’h siniñ pa rentit ho kopienn er fin.
- Aotreet oc’h da guitaat ar sal un hanter eur bennak a-raok fin an arnodenn met talvoudus bras eo chom da adlenn evit ouzhpenniñ titouroù ha difaziañ ar yezh. Grit ar striv da lenn a-raok rentiñ.
- Bezit war evezh rentiñ an holl follennoù!
- Ret eo lazhañ ar pellgomz hezoug ha lakaat anezhañ en ho sac’h, ar seier ‘vo lakaet ouzh ar voger dirak.
- Furoc’h eo mont d’ar privezioù a-raok ma krogfe an arnodenn.
- An arnodennoù
- Galleg : sujed ha respont e galleg. Diwar 100 poent. 2 lodenn a zo: 1 eurvezh dielfenniñ dielloù ha 2 eurvezh reizhskrivañ ha sevel skrid.
- Matematikoù : sujed e galleg, respont e brezhoneg. Diwar 100 poent. 2 eurvezh.
- Istor-geo-keo : sujed ha respont e brezhoneg. Padout a ra 2 eurvezh an arnodenn war an istor (20 poent), geografiezh (20 poent) ha keodedouriezh (10 poent). Deoc’h da verañ an amzer evit ober an teir lodenn. Dielfenniñ dielloù a vo en istor pe e geografiezh. Ur pennad-skrid a vo da sevel en istor pe e geografiezh. E keodedouriezh, dielloù ‘vo (programm kelc’hiad 4: 5ved, 4re ha 3de).
- Skiantoù : sujed e galleg, respont e galleg (ma respontit e brezhoneg ne vo notennet ken ar respontoù gant sifroù. Gallout ‘rit ivez respont en div yezh). Kelaouet oc’h a-raok an arnodenn diwar-benn an daou zanvez choazet (diwar an 3: Fizik, tekno hag SVD) Padout a ra an arnodenn 1 eurvezh (Diwar 50 poent). Programm kelc’hiad 4 : 5ved, 4re ha 3de. Reolenn aour: Gwelloc’h eo chom hep tapout ar breved evit bezañ paket o truchañ !!! (Roudoù a chomfe war ho teuliad skol).
- Difennet groñs eo daremprediñ etrezoc’h e-kerzh an arnodenn (kaozeal, jestroù pe eskemm an dafar)
- Dafar
- Degasit un eurier evit meriñ an amzer (40 mun dre zanvez istor, geo, keo).
- Arabat disoñjal kas ganeoc’h ho pedadenn hag ho kartenn-anv.
- Kasit tout an dafar ‘peus ezhomm : kreionoù koad evit liviñ, kreionoù feltr evit an arouezioù, ur reolenn, ar geriadur evit ar sevel skrid e galleg (eil lodenn), ur jederezig, kelc’hier, skouer… evit ar matematikoù.
- Degasit ho feltroù fluo ganeoc’h evit islinneniñ ar gerioù pouezus.
- Ur banne dour hag un draig da zebriñ zo aotreet, arabat kas dour pik-pik ha chipsoù, trouz a ra !
Alioù evit tapout poentoù
- Adwelet
- Ret eo deoc’h raktresiñ un nebeud devezhioù a-raok ar breved ur programm evit adwelet tamm-ha-tamm.
- Ma ne gomprenit ket ur ger e brezhoneg, klaskit orin ar ger, klaskit kompren ster ar frazenn.
- Ma n’ho ‘peus ket desket mat un dra, klaskit lakaat ur respont memestra, n’eo ket difennet prederiiñ e-kerzh an arnodenn !
- Ma ‘z eo berr ho respont, n’eo ket dav skriviñ brasoc’h pe ober linennoù berroc’h. Klaskit kentoc’h ur skouer da glokaat.
- Ma n’ho ‘peus ket soñj eus un deiziad resis, lakait ar rummad bloavezhioù dre-vras.
- Evit an dielfenniñ dielloù : klaskit un tamm, emañ alies ar respontoù en diell! E skiantoù, keodedouriezh ‘vez lâret e tapo ar geidenn an nep a ouio lenn !
- Arabat adkopiiñ an diell hep cheñch netra, implijit titouroù an diell o sevel frazennoù graet ganeoc’h.
- Kinnig
- Kalz gwelloc’h eo implijout kreionoù a c’heller diverkiñ : ar c’hreion enkr eo ar gwellañ (ha dreist-holl arabat disoñjal : Atav divalav ‘vez ar blanko !). Poentoù zo evit ar c’hinnig. (E mat ha skiantoù)
- Strivit evit skriviñ kempenn : ma ‘zeo diaes da lenn ho kopienn e vo imoret fall an difazier.
- Livit kempenn ar c’hartennoù : ul livaj difoutre a ziskouez un dro spered memes mod.
- Lammit linennoù war ar follennoù roet deoc’h rak karezioù bihan eo.
- Savit frazennoù dre ret evit respont ha menegit frazennoù an destenn evit arguziñ.
- Kelennerien war an istor zo n’o deus kalz a fent, gwelloc’h eo chom hep respont netra e lec’h skrivañ farsadennoù Karambar.
- Niverennit pep pajenn (1/6, 2/6, 3/6, 4/6, 5/6, 6/6)
- Frammiñ
- Lennit ar sujed ha tout ar goulennoù a-raok kregiñ.
- Talvoudus bras eo implij follennoù brouilhoñs (dreist-holl pa vez ezhomm frammiñ ar respont).
- Tremenit kalzik a amzer evit frammiñ ar pennad-skrid. Frammiñ a dalv sevel div pe teir lodennig gant mennozhioù disheñvel (ur skouer e pep hini), lammit ur linenn etre ar lodennigoù ha grit un alinea e penn kentañ pep lodenn.
